另一场欧霸盃4强首回合，大热门车路士作客法兰克福。车仔箭头基奥特喺欧霸脚风顺到冇朋友，而法福射手卢卡祖域同样士哥不断，两大神锋正面对决，势必合演入球骚，2.5球嘅大盘有买趁早。
（myTV Gold 800、Now 644、有线662及602台周五凌晨3时直播）
卢卡祖域基奥特斗入波
虽然车仔于联赛重返「4哥」位，但争前4仍然紧凑，为确保下届欧联入场券，佢哋唔会放弃欧霸战线。车仔今届欧霸多用副选，但失意联赛嘅箭头基奥特坚争气，喺今届欧霸11次上阵轰10粒，位列射手榜「1哥」，而轮换主力韦利安亦频频交出助攻，非常醒神。至于之前喺欧霸挂免战牌嘅王牌夏萨特，喺8强阶段已开始披甲，火力进一步加强。
另一边厢，德甲今届欧洲赛「幸存者」法兰克福，在欧霸盃表现突出，先喺分组赛6战全胜，其后接连淘汰萨克达、国际米兰及宾菲加，唔讲得笑，射手卢卡祖域功不可没，呢位塞尔维亚国脚单係欧霸盃已累积8粒，难怪以借将身份来投未够一季，已被法福急急买断，可见一斑。睇番车仔近8场欧霸盃攻入24粒，其中7仗开3球或以上，造访同样进攻行先嘅法福，斗攻格局实多波入，2.5球嘅大盘有分头，不容错过。