周五凌晨欧霸4强首回合一触即发，当中阿仙奴主场硬撼华伦西亚。兵工厂领队艾美利除咗係欧霸专家之外，对旧东家华伦都十分熟悉，加上球队今届欧霸主场持续强势，呢场可乘势击败「蝙蝠兵团」先拔头筹，主胜好路。
（myTV Gold 303、Now 643、有线616及656台周五凌晨3时直播）
阿仙奴近期联赛惨吞3连败，争前4形势已经变得被动，为免出现连续3届无缘欧联嘅尴尬情况，惟有尽全力争欧霸冠军，以换取来届欧联入场券。讲到争欧霸，相信冇边位会比兵工厂领队艾美利更有经验，呢位西班牙主帅曾经带领西维尔连续3届欧霸封王，更因此赢得「欧霸专家」嘅称号，可见艾美利嘅战术对应付盃赛十分有用。加上艾美利曾经喺华伦西亚执教4年，对「蝙蝠兵团」绝对唔陌生，呢场倒戈相向相信有助佢布阵克敌。
华伦西亚两防中齐缺阵
喺西甲同样要争前4嘅华伦，虽然下半季整体表现有回升，不过近期又再出现小低潮，近两仗先后喺联赛输畀马德里体育会同伊巴，同西甲欧联席位渐行渐远，所以「蝙蝠兵团」都希望透过争霸欧霸进军下届欧联。可惜除咗中场干度比亚因伤提早收咧之外，另一位悍将高基连亦要坐波监呢场冇份踢，两位主力防中齐齐缺阵，对靠中场凶狠拦截、快速转守为攻呢招战术揾食嘅华伦嚟讲绝对係双重打击。况且兵工厂今届欧霸6次主场出击豪取5胜1和，包括上圈首回合先喺主场赢拿玻里2比0，重攻轻守嘅华伦队长柏利祖就算再好波，面对兵工厂都独力难支，睇好「兵工厂」靠主场之利首回合打爆「蝙蝠兵团」，主胜唔好错过。