今晚继续上演欧联分组赛，不过嚟到第5轮，开始失去悬念，好似A组嘅多蒙特及马德里体育会都差唔多出线，而D组嘅波图与史浩克04晋级机会高唱入云，B组巴塞隆拿亦提早出线，只剩下国际米兰同热刺争逐馀下一席晋级资格，因此今晚焦点，无疑落晒喺C组。
C组嘅形势非常微妙，4队只系相差1至2分，就算排包尾嘅贝尔格莱德红星都仲有出线机会，若果佢的今仗击败拿玻里，而另一边厢巴黎圣日耳门(PSG)对利物浦打和嘅话，甚至会杀上次席添，因此呢组今轮任何赛果，都直接影响每队嘅出线机会，名副其实系打甩髀。讲番重头戏PSG主场对利物浦，PSG今仗不容再失，但尼马同基利安麦巴比有伤在身扎住上，未必够弗，而利物浦客场唔敢乱嚟，我觉得系「和」味浓，不妨买呢组1比1及2比2嘅波胆2串3，既可一路睇好波，又随时刀仔锯大树。