周四凌晨欧联A组大战，马德里体育会坐镇主场迎战摩纳哥。小组垫底嘅摩纳哥今季走势曳到爆，尤其联赛深陷降班区，根本冇额外精力争欧联，随时放弃欧战专注应付法甲，呢场面对3分志在必得嘅马体会，难逃大败嘅命运，细鬼我推荐马德里体育会上盘。
（有线662及602台周四凌晨1时55分直播）
马德里体育会赛前同1哥多蒙特都攞住9分，不过就因对赛得失球差不及对手屈居第2，呢场只要佢的赢到波就可以提前1轮确保出线资格。众所周知，马体会主场出击表现不嬲有保证，上仗喺主力守将高甸同荷西基文尼斯齐齐倦勤嘅情况下，球队都成功逼和实力超班嘅巴塞，其中前锋迪亚高哥斯达表现回勇，抢得关键入波，呢场有佢搭住法国攻击手基沙文，马体会面对状态疲弱嘅摩纳哥，绝对有足够火力大开杀戒。
主队让2球照捧上盘
整体实力不如马体会嘅摩纳哥，今季表现全线崩溃，欧联至今未赢过波之馀，联赛都跌落榜下游位置，已陷有降班危机。就连执起球队教鞭嘅名宿亨利，都用左成7场波，先勉强喺上仗联赛靠老将法卡奥射入致胜罚球，艰难抢得上任后首场胜仗，可见球队斋应付联赛护级已经搞到头都大，根本冇能力再分心欧联，呢场作客马体会恐怕难逃一劫，所以就算让2球，细鬼都会照捧马德里体育会上盘。