上期专栏讲过，新开嘅欧洲国家联赛，无论系竞赛意义定可观性都唔算高，又榨乾球员体能，连应届世盃盟主法国都出唔到线，到底系咪佢的hea踢？球迷们心中有数。好彩今周英超重燃战火，今晚仲有7场大战陪住你，真系正到爆。
白礼顿踢出烧「鸭」味道
最瞩目之战梗系尾场「伦敦打吡」，「3哥」车路士要造访同市死敌热刺。查实两队现时只系差1分，若果前面嘅曼城同利物浦今晚有乜差池失分，佢的就可再追近啲，当然呢两支伦敦劲旅实力旗鼓相当，车仔至今仍保持不败，预计今仗系困兽斗，我觉得打和嘅机会都好大。
值得一提嘅，系白礼顿主场对李斯特城，位列第12位嘅白礼顿，算系以蔗渣价钱、踢出烧鸭（比烧鹅差少少）嘅味道，因此只系比佢的多3分嘅李斯特城，作客情况下绝对不可轻敌，「狐狸」主帅佩尔赛前就动员，要继续为意外离世嘅班主维猜尽力踢好每一场波，相信会以唔输为大前提，稳中求胜延续近3仗联赛不败走势。