哈特斯菲尔德入球骚致富
榜尾大战抢得就抢
今晚深夜英超哈特斯菲尔德主场同富咸上演榜尾激斗。今季重返英超嘅富咸季前用过亿镑买人，点知踢出「蔗渣味道」，尤其防线如同虚设，今场作客仲未开斋嘅哈特斯菲尔德，为抢分斗攻入波唔慌少，中位数2.5球嘅1.85倍大盘值捧。
（Now 621周二凌晨4时直播）
富咸防线曳以攻代守
今季英超升班球队够晒话题性，当中狼队同富咸都「土豪式」扩军，前者总算企稳阵脚，但系富咸就令人失望，虽然引入舒贺尔尼、占舒利同韦图等好手，再配合英格兰新星赖恩施斯隆等原有班底，逐个去秤其实唔差，季前令球迷充满期望，点知踢嚟犹如一盘散沙，联赛10轮仅获1胜，近4仗全部输晒之馀更丧失15粒，失波数字冠绝英超，短时间内难望后防有羊改善，今晚作客倒不如以攻代守，希望杀出一条血路。
上季屡有佳作嘅哈特斯菲尔德今季大跌Watt，至今仲未开到斋，其中9场都有失波防守同富咸一样咁屎，今轮主场对住护级竞争对手，真系和波都唔收货，恃地利相信会尽量压前嚟踢，两队焗攻争3分，可望出现入球骚。