PSG征意国大起里
形势被动尽地一煲

今晚欧联C组爆发生死大战，由法甲豪门巴黎圣日耳门（PSG）作客火併拿玻里。坐拥两大巨星尼马同基利安麦巴比、剑指称霸欧洲嘅PSG，依家竟然连出线都陷于被动，为抢分今仗必定火力全开，但拿玻里亦非善男信女，反击坚锐利，中位数2.5球大盘更加值博。
（Now 645、有线604及603台周三凌晨4时直播）

麦巴比升呢似外星人
贵为世界豪门球会，在国内赢尽冠军嘅PSG，早已剑指欧联锦标，但上轮主场只能逼和拿玻里2比2，依家只得4分排第3位，落后拿玻里与利物浦1分及2分，认真冇面，为抢得出线主动权，今场不容再失。锋线两大巨星尼马同基利安麦巴比弗到漏油，足以摧毁任何防线，其中麦巴比今夏为法国夺得世盃后继续升呢，单计近6场狂轰8粒，犹如外星人，等閒后卫都好阻止佢加速推进，加上箭头卡云尼已复操，可以随时候命，火力更盛。

不过PSG喺法甲实在超晒班，冇对手畀到考验佢的磨练，搞到每逢出战强手林立嘅欧联嗰阵，总系好似准备不足咁，尤其系后防令人失望，近7场欧联场场有失波，连弱旅贝尔格莱德红星都入到佢的波，防线咁唔稳阵，点样争夺欧联呀？

拿玻里梅顿斯着晒火
拿玻里由前PSG教头安察洛堤领军下，表现唔错，唔单止喺意甲站稳前列，并喺头3场欧联取得1胜2和，包括次轮喺主场以1比0绝杀「1哥」利物浦，唔讲得笑。「肥安」以往带过AC同皇马攞过欧联冠军，喺呢位老江湖调教下，恩斯治尼、荷西卡利祖、梅顿斯踢得更加sharp醒，其中梅顿斯近4仗入6粒着晒火，遇上空群而出嘅PSG，岩晒佢的狂打反击，今仗实多波入，大盘不容错过。