今晚on.cc東網免費直播德甲場次，由前列分子RB萊比錫主場迎戰褪色勁旅史浩克04。兩軍啱啱踢完歐洲賽未回氣，而今季表現極不穩定嘅史浩克04，續有隊長兼門神費文因傷倦勤，後防有隱憂之下，作客場合必定先做好防守，唔慌多波入，轉捧2.5球入球細更上算。
(on.cc東網周日晚10時30分直播)

雙方都係於上周中踢完歐洲賽，近6場贏咗5仗嘅萊比錫，喺歐霸分組賽輕取些路迪2粒，但後衞伊巴希馬干拿迪、迪亞高迪美、中場科斯貝治及射手迪姆華拿，均受傷患困擾未必出得，尤其係科斯貝治若果缺陣，勢必令攻力削弱。另一邊廂，史浩克上周中歐聯分組賽只能悶和加拉塔沙雷0比0，其實佢哋今季出閘脫腳淪落下游，最大原因係攻力疲弱，未計今輪，聯賽入得5粒咁大把，加上門神兼隊長費文肌肉依然有傷續缺，由新仔紐布爾把守最後一關，後防存隱憂，今仗作客主帥泰迪斯高必落柯打死守，細盤有買趁早。