啱啱踢完英格蘭社區盾，即踏入國際賽期──第2屆歐洲國家聯賽。對於我嚟講，喺新冠肺炎疫情下，有多場比熱身賽更有競爭性嘅歐國聯上演，絕對唔拘。

我份人覺得啱嘅嘢一定講得好清楚，絕不含糊其詞，例如上季推介利物浦奪英超、拜仁捧歐聯等等，但對於歐國聯始終睇唔透。一來賽制確係難明，二來依家幾大聯賽都未開咧，球員被國家隊徵召狀態成疑，會否驚傷影響新季而就住就住呢？喺咁多不明朗因素下，加上疫情令普羅大眾都面臨經濟壓力，我認為歐國聯只適宜刀仔鋸大樹，睇波好過。

兩場和味濃希望幫到手
講到今晚歐國聯重頭戲，梗係A4嘅德國對西班牙，但要留意德國大部分「拜仁幫」今次都No Show，西班牙亦起用大批新人，令場波出現更多變數，我認為和味濃。至於B3嘅俄羅斯對塞爾維亞，大家實力都係半斤八両，何況只係首輪賽事，狀態一般下唔輸都收貨，不妨揀埋和波，希望幫到大家。