2哥多蒙特今晚德甲主場迎戰護級隊伍緬恩斯，「蜜蜂兵團」依家以31戰66分排次席，剩低3輪賽事肯定唔會跌出前4，已確保來屆歐聯參賽資格，壓力大減，前線反而更放膽進攻；緬恩斯仍需搶分護級，加上該隊今季聯賽鬥前列球隊例大手交易，面對火力強勁嘅多蒙特，捧中位數3.5球入球大最穩陣。（Now 670及FOX+、有線651及611台周四凌晨2時30分直播）

多蒙特上場雖然險勝杜塞爾多夫，不過整場表現唔算好，如果唔係對方前鋒門前把握力差，多蒙特早已先失守，既然挪威中鋒艾寧夏蘭特已傷愈復出，相信球隊會貫轍踢法，繼續以攻代守。

鬥前5球隊旺開大
緬恩斯目前以31戰得31分排尾4，護級未可安枕。睇番佢哋今季遇強即屈，聯賽8次鬥前5名球隊無論主客賽事均落敗，而且後防共失33球，其中7次開4球或以上，包括首循環主場淨吞多蒙特4蛋，預計今場都會係一場大手交易，捧3.5球入球大最穩陣。