馬體會作客曳到爆
至於西甲早場戲碼，就有畢爾包主場鬥馬德里體育會。馬體會今季大跌Watt，早早跌出爭標行列，全因今季作客成績表現曳到冇朋友，佢哋於停擺前10場聯賽作客只得1勝7和2負，今場作客巴斯克惡踢，畢爾包主場受讓，必捧下盤。（Now 632周日晚8時直播）

死球出色食到應
馬體會喺教練施蒙尼調教之下，一向以鐵血防守同快速反擊搶分，不過今季進攻效率變差，前鋒線上欠缺一劍封喉射手，艾華路莫拉達有射術但級數始終未屬頂班，迪亞高哥斯達今季又經常受傷，呢名西班牙射手近期更捲入逃稅風波，或多或少會影響佢復賽後表現。除此之外，今季加盟嘅葡萄牙中場祖奧菲歷斯傷多過踢，雖然經過停擺已傷愈，弊在今場佢需要停賽。

馬體會今季作客13場只入11球，場均入球不足1球，係西甲20隊入面作客入波第4少的隊伍之一，暫時係近5季最差嘅作客入球統計，難怪馬體會於聯賽停擺前，10場聯賽作客只得1勝7和2負。

畢爾包主場發揮出色，今季曾擊敗巴塞隆拿及皇家蘇斯達，而且呢班波專靠死球搵食，偏偏馬體會今季防守死球表現一般，今季失21球，有9球就係輸死球，畢爾包可以集中喺佢哋弱項攻擊，今場主場受讓抵玩。