另一場護級大戰由尾3嘅杜塞爾多夫主場鬥包尾大幡柏達邦。杜塞爾多夫今場有唔少傷兵缺陣，包括正選門將薩芬史提芬、中場保迪錫及艾法度摩拉利斯；至於今季聯賽射入11球嘅洛雲軒寧斯喺停擺前突然啞火，能否及時回勇亦係主隊搶分關鍵。柏達邦現時落後尾3嘅杜塞爾多夫6分，今場和波都當輸，戰意、決心十足。杜塞爾多夫今季25場聯賽只得5勝，勝出率僅20％，而且對上7場主場僅1勝，閉門作賽冇本錢讓波，捧讓球客勝。

（Now Fox+周六晚9時30分直播）