護級球隊奧格斯堡主場鬥禾夫斯堡。奧格斯堡喺聯賽停擺期間炒咗教練舒密特，改由靴列治接手，不過呢名前利華古遜教頭日前喺隔離期間，被發現擅自出外買牙膏，事後要公開道歉，而且佢為自己犯錯決定自罰停賽，唔會出席周五操練及周六比賽。禾夫斯堡停擺前6場聯賽3勝3和未輸過，依家排聯賽榜第7位，有力爭奪歐霸盃資格，作客唔會龜縮。奧格斯堡今季12場聯賽主場從未試過0比0，近11場有10次開3球或以上，追2.5球大好路。

（Now Fox+周六晚9時30分直播）