吉祥物山羊九世冇得入场

2020/05/14
德甲重开暂时要闭门作赛，点知连球会吉祥物都冇豁免！周日科隆主场对缅恩斯，佢哋嘅「山羊九世」就冇办法喺场边游行同埋督师，需要避席。呢隻科隆吉祥物喺球会地位极高，有专人服待同饲养，但新冠肺炎当前，就算复赛揭幕战咁紧要，佢都唔可以「踩场」。据德国传媒报道，科隆嘅吉祥物上次冇喺主场比赛出现，要追朔到12年前，2008年「山羊七世」因为骨关节炎缺席咗两场赛事，而2000/01年赛季，佢因为口蹄症被禁止出场，最后球会谂到用一个纸牌代替，唔知今次又会唔会翻炒呢条桥呢？

德甲係欧洲「4大」中首个复赛嘅联赛，自然不容有失，为咗减低感染风险，每场只容许300几名工作人员入场同喺场馆附近，连球迷都唔可以靠近球场及聚集。