科隆态勇可擒缅恩斯

2020/05/14

科隆教头基斯度

1/2
面子之战加多几钱肉紧
德甲今周重开，焦点除咗周六晚嘅鲁尔区打吡，周日晚科隆主场对缅恩斯亦值得留意。缅恩斯主帅比尔罗斯亚季初畀科隆炒鱿，今次倒戈当然想还以颜色，不过科隆换咗现任教头基斯度后，球队全面复甦，其中7次主场出击只係输过畀班霸拜仁慕尼黑，其馀6场攞到5胜1和，为咗证明冇换错人，科隆今场更要加多几钱肉紧，主W有买趁早。

上季德乙冠军科隆早前公布有3名球员确诊新冠肺炎，一度令德甲重开出现变数，好彩「中招」3人喺最新一次检测已「由阳变阴」，暂时鬆番口气。科隆今季开咧不顺，头11轮联赛只得2胜1和8负排第17位，为免继续沉沦，球会高层决定辞退季前接手嘅比尔罗斯亚，由前汉堡教练基斯度接手。

基斯度主场领军胜率逾7成
基斯度上任后头3场联赛虽然只得1分，但经过热身后战绩全面冒升，打后11场联赛攞到8胜3负，3场输波对手分别係拜仁、多蒙特及慕逊加柏，面对同级球队相当有把握，如果单计主场，基斯度领军7战5胜1和1负，胜率超过7成。科隆停摆前于联赛排第10位，比第6位嘅史浩克04少5分，甚至有机会冲击来届欧霸盃参赛资格。

比尔罗斯亚败走科隆后，相隔9日就火速接掌另一支陷入降班危机嘅球队缅恩斯，佢喺上任后先后击败贺芬咸及法兰克福，不过蜜月期好快结束，球季停摆前，球队依旧排喺榜下游第15位，比尾3嘅杜塞尔多夫只多4分，而且佢哋今季25场联赛输15场，係包尾大幡柏达邦之外，联赛输波次数最多球队，比尔罗斯亚想以呢张成绩表向旧主「示威」似乎冇咩用，科隆主Ｗ值得睇高一线。