今晚重头戏当然係3哥RB莱比锡主场对榜首拜仁慕尼黑，德甲剩低两轮，拜仁目前领先次席多蒙特4分，今晚只要作客赢波就可以提早封王，下轮主场联赛可以留吓力，蓄锐等德国盃决赛，战意唔使怀疑，至于莱比锡无论赢输都已笃定第3，不过主场谢幕战兼冇压力下打老虎，当然唔会放软手脚，双方前线勐将如云，今场预期係大驳火，博有2.13倍嘅中位数3.5球大盘。
莱比锡教头兰历克赛前讲明，虽然胜负唔影响联赛排名，但佢个人就极希望赢波谢幕，因为下季佢会回归总监职务，让位畀由贺芬咸加盟嘅拿高斯文领军，如果今场能够成功阻止拜仁提早封王，对佢同莱比锡球迷嚟讲都係一个美好回忆，何况莱比锡喺两星期后就会同拜仁会师德国盃决赛，若然今场赢波肯定会增强争盃信心。莱比锡前线近期火力全开，不过防线表现就冇季初咁稳阵，今场同拜仁抢攻预咗入得又失得。
拜仁乌里治作客场场失波
对于备受压力嘅拜仁教头尼高高华嚟讲，今季剩低嘅德甲同德国盃都志在必得，今晚战意当然唔使怀疑，就算作客都会抢攻求胜，不过球队最具防守力嘅门将纽亚，同世界级防守中场查维马天尼斯双双因伤缺阵，防线实力受损，睇番副选门将乌里治今季喺德甲踢咗7场，除主场小胜云达不来梅外，场场都有失波，包括4场作客赛事，今场作客当然有隐忧，最佳投注策略都係捧大盘啦！