至于同时举行嘅贺芬咸对云达不来梅，我哋都有直播，呢场贺芬咸除咗主场谢幕外，赛后仲安排咗莱茵内卡球场喺今季嘅闭幕仪式，兼畀机会主场球迷送别教练拿高斯文同佢嘅教练团，仲有即将转投利华古逊嘅中场大脑迪米阿巴尔，全队上下当然唔想破坏气氛，面对近期接连受挫兼残阵嘅不来梅有力大胜一仗，推介1.9倍嘅让球主胜。
拿高斯文下季将会转投RB莱比锡，赛前佢讲明好期待今晚嘅球迷送别仪式，仲讲明希望球员识做，踢场好波攞好成绩畀佢做贺礼，贺芬咸近两仗只得1分，但计表现其实绝对唔曳，尤其上轮作客慕逊加柏狂攻下两度领先都畀人追和，确实顶住道气，不过拿高斯文话只要攞晒馀下6分，争踢欧霸甚至欧联都仲有可能，今晚主场谢幕就算领先咗都唔会收油，一于尽情数胡与球迷同乐！
不来梅今季表现同样令人满意，但近期亦同样踢得唔错而攞唔到好成绩，近3场只得1分下，争下届欧战入场券已经十分淼茫，何况今仗仲要阵容不整，近况巅峰嘅中场卡拉臣停赛，另外两位中场巴菲迪同巴迪尔斯养伤，作客遇贺芬咸凶多吉少。