哥国锋霸大斗星二代
今晚on.cc东网继续有意大利盃4强次回合直播，阿特兰大返主场再斗费伦天拿。首回合激和3比3，阿特兰大不嬲进攻大过天，射手杜云沙柏达脚风顺到冇朋友，「紫百合」痛失3个作客入球，为杀入决赛更不能坐以待毙，今场大细中位数2.5/3球，斗攻格局必捧大盘。
（on.cc东网周五凌晨2时45分直播）
阿特兰大在「进攻狂人」加斯柏连尼掌舵后，近3季都高举丧攻旗帜。加帅一向「不进攻、毋宁死」，除沿用佢以往执教热拿亚嘅成名绝技343阵式，以及重用新人外，今季从森多利亚借得前锋杜云沙柏达，亦为佢搵到丧攻战术嘅最后一块拼图，呢位哥伦比亚射手唔单止喺今季联赛已入21粒，佢喺今届意盃亦轰3球，脚风坚顺，连埋费伦天拿弃将伊利锡，势必火力全开。
两军教头都係进攻狂人
费伦天拿早前有主帅皮奥利辞职，搵番曾教过3季嘅蒙迪拿回巢接手，「飞机仔」同样崇尚进攻，日前联赛首度领军对榜首祖云达斯，「紫百合」都冇死守，最终因自己摆乌龙反输1比2，但可见「飞机仔」勇气可嘉。由于首回合费伦喺主场只能打和3比3，畀阿特兰大抢到3个作客入球坚蚀，唔好话输波，就算今仗打和2比2或以下比数和波都要出局，在「星二代」基奥云高施蒙尼及费达历高基艾沙助阵下，必定抢攻争胜。癫凤斗狂龙，阿特兰大近9仗主场7次开3球或以上，梗係捧入球大喇。