防线甩辘争前4照样谷
周二凌晨英超独脚戏，车路士主场斗般尼。仲想争英超前4嘅车仔，上轮输畀死敌利物浦之后，已经冇空间再甩辘，呢场为全取3分肯定焗攻，可惜球队近期后防唔争气，对住般尼随时再有失波，捧番中位数2.5球入球大好过。
（Now 621周二凌晨3时直播）
车仔上轮淨吞利物浦2蛋，争前4形势陷于被动，领队沙利仲想透过英超前4争来季欧联资格，嚟紧1分都不能少。好彩夏萨特近期挺身而出大踢争气波，近3仗联赛个人入3球贡献1次助攻，虽然上仗欧霸佢整亲被换离场，不过据报已经康复可以随时候命，继续成为车仔最具威胁的攻击手。相反车仔后防表现失色好多，啱啱喺欧霸次回合面对布拉格斯拉维亚，竟然一场失咗3球，加上主力中坚鲁迪格呢场上阵成疑，车仔想力保不失都几难，宁愿前场入多两球好过。
般尼近11仗得1场冇波入
般尼一改守强攻弱嘅风格，近11场联赛仅1场交白卷，不过球队对住强敌表现令人失望，今季5次造访Big 6球队输咗4仗，仲狂失15球，其中4次开3球或以上，呢场主胜太热唔好分，转捧中位数2.5球入球大更划算。