周日英超尾場由曼聯主場鬥愛華頓。紅魔鬼上周中歐聯被祖雲達斯技術性擊倒，重返聯賽再輸真係唔掂，以領隊莫連奴性格，今場對愛華頓要贏但又怕輸，相信半場都係就住嚟踢，尤其「拖肥糖」近排強勢，更加要防，愛華頓今季4場聯賽作客都開半場和，有迹可尋絕對好路。
（Now 621周一凌晨零時直播）

曼聯近期聯賽表現較慢熱，近3場聯賽皆於上半場落後，幸球員換邊後發揮後勁，成功取得1勝1和1負，總算暫時為領隊莫連奴減輕下台壓力。

愛華頓作客例歎慢板
「拖肥糖」捱過季初6場聯賽僅1勝低潮期，近3場聯賽先後擊敗富咸、李斯特城及水晶宮，表現重上正軌。今季新上任嘅領隊馬高施華向來注重防守，往往留待換邊後再找機會施以致命一擊。愛華頓近7場聯賽有6次開出半場和，而且今季4場聯賽作客上半場都跟對手不分勝負，半場和值得再追。