热刺主将抖暑难抗罗马

国冠盃美国站周四早上连场激战，其中罗马将会喺加州圣迭戈迎战热刺。热刺至今喺转会市场未有引入大牌球员，睇得出领队普捷天奴对本身班底几有信心，尤其一班主力球员，包括哈利卡尼、迪利阿里、捷比亚、基斯甸艾历臣、洛里斯、维顿汉等，岩岩都为各自国家队喺世盃交出唔错嘅表现，不过佢的搏到尽，依家都处于休假期，热刺呢场阵容肯定唔会完整。

想比之下，罗马除左签入祖斯甸古华特及柏斯托尼等具级数新援外，迪斯高、艾沙拉维、柏德列舒希克等主力都冇份踢世盃，可以提早归队复操准备新赛季，状态有保证。查实，睇过热刺过往喺国冠盃嘅表现，都知道佢的不嬲唔重视呢项赛事，近5仗国冠盃只取1胜4负，包括旧年以2比3输畀罗马，呢场捧番主胜好过。
（有线603及604台周四早上10时直播）