曼联唔够板斧做AC细界

而周四早上较迟开波嘅国冠盃赛事，仲有AC米兰喺帕萨迪纳硬撼曼联。曼联前锋阿历斯山齐士早前上诉得直，终于攞到签证可以去美国同球队会合，上仗面对美职球队圣荷西地震一仗，佢表现可圈可点，呢场有望继续披甲上阵，可惜其馀「红魔」球员，好似安东尼马迪尔、安达靴里拉、桑马达等状态依然未弗，另外路尔斯华伦西亚上场亦因伤早早被换出，呢场上阵成疑，加上箭头卢卡古及「爆炸头」费兰尼未归队，「红魔」进攻板斧明显少几瓣。

早前因财政问题遭欧洲足协处罚，禁止参与欧战2年嘅AC米兰，喺球会所有权易手之后，财政状况得到改善，欧洲足协亦随即免去处分，意味住佢的今季如无意外，将会照常参与欧霸赛事，收到呢项好消息，球队战意肯定有所提升。

况且对手曼联踢国冠盃一向唔上心，近3仗国冠盃法定时间仅1胜1和1负，其中2仗开2球或以下，呢场有经验老到嘅中坚邦路斯坐镇后防，AC米兰有力守住曼联攻势，中位数2.5球入球细博得过。
（有线602及662台周四早上11时直播）