红军车仔收油献细
魔鬼赛程留力英超再砌

周四凌晨英联盃第3圈重头戏，利物浦将会主场同车路士上演「红蓝大战」。红军即将进入魔鬼赛程，喺英联盃早阶段就算面对强敌都难以最强阵应战，另外车仔联赛失分后，都希望喺下仗全力拉近同红军喺积分榜上嘅距离，两军齐齐留力，入波唔慌会多，宁愿捧细盘好过。

利物浦堪称系今届英超开局最强势嘅球队，计埋欧联首战击败巴黎圣日耳门，红军各项赛事已经豪取7连胜，不过真正挑战陆续有嚟，其中喺一周内就要2次硬撼死敌车路士，连场恶战对红军球员体能肯定会造成巨大压力，尤其最令利迷担心嘅，肯定系队中球星穆罕默德沙拿。呢位埃及攻击手自上季欧联膊头重伤，抖左冇耐又要帮埃及踢世盃，联赛开咧之后佢虽然屡有斩获，不过明显未回复到最佳状态，为免令包括佢在内嘅一班主力球员体能负荷过重，领队高普呢场好大机会出轮换大法，派苏兰基同史杜列治等一班副选应战。

另一边厢，岩岩喺联赛甩辘失分嘅车路士，为拉近同英超1哥利物浦嘅距离，肯定全力备战嚟紧同利物浦嘅榜首大战，呢场都英联盃料都会留力，况且车仔近6次作客同红军交手，5次都开2球或以下，呢场2.5球嘅细盘值得再追。

韦斯咸弗番势炒乙组仔
同时间开波嘅，仲有韦斯咸主场迎战英乙球队马尔斯菲。锤仔帮继早期联赛取得首胜之后，上仗再逼和同市劲敌车路士，搞到对手连胜纪录断缆，状态已经弗番。呢场面对喺英乙都包尾嘅马尔斯菲，几位新兵卢卡斯佩雷斯同耶莫兰高为争上位，肯定唔会放软手脚，韦斯咸想喺主场大破对手轻鬆晋级冇难度，让两球照拣让球主胜。