波兰让球胜好主意
新旧罗拔仔拍档煞食

今晚欧国联A3组大战，波兰喺主场硬撼意大利。意大利已经有接近1年未曾喺正式赛事赢过，新帅文仙尼又冇料扮四条乱咁试阵，续用恩斯治尼装「假9」简直嘥料，相反波兰「新罗拔仔」比亚迪克脚风顺到冇朋友，主场出击仲有得受让咁笋，梗系捧让球主胜。
（有线662及602台周一凌晨2时45分直播）

意大利新帅文仙尼冇桥
两军首轮交手，当时佔地利嘅意大利，仅靠佐真奴费路操刀12码追和1比1，表现认真麻麻。唔计无关痛痒嘅热身赛，意大利上次喺正式赛事赢波，要数到上年10月初世盃外赢阿尔巴尼亚，意味着「蓝衫军团」近1年未试过喺正式赛事获胜，系佢的60年来最差纪录。就算新帅文仙尼喺今年接手，但佢始终未定出清晰战术，搞到系咁试阵，今次弃用爱将巴洛迪利，日前热身赛对乌克兰，改打无锋阵搵弗爆嘅恩斯治尼装「假9」，配合贝拿迪斯治同费达历高基艾沙攻坚，但效果一般，最终被逼和1比1，似乎文帅冇乜计喎。

波兰比亚迪克11场入14粒
虽然波兰前锋兼队长罗拔利云度夫斯基，近期系咁食白果，但日前热身赛不敌葡萄牙交出助攻，状态好番啲。当然不得不提佢拍档比亚迪克，对葡萄牙嗰场取得国际赛首个士哥，呢位热拿亚前锋，喺今季意甲场场有波入，以9球排紧射手榜榜首，连埋意盃同国际赛，近11场狂轰14粒，难怪被称为「新罗拔仔」，弗到漏油。何况比亚迪克喺意甲搵食，对「蓝衫兵团」有一定了解，仲有利云度夫斯基做掩护，更加方便数胡。况且意大利近4场作客3度输波，波兰有得受让必捧让球主胜。