德军攻荷兰大报复
难忘88年朗奴高文羞辱

今夜欧国联A1组爆发宿敌大战，由荷兰主场火併德国。双方牙齿印甚深，荷兰主帅朗奴高文曾用冇品行为羞辱德军，仇人见面分外眼红，今番碰头势必火花四溅，加上近年交锋常演入球骚，为攞彩兼落对手面，新仇旧恨一朝清，必定火力全开斗攻争胜，中位数2.5球入球大更值博。

（奇妙电视77台、有线662及602台周日凌晨2时45分直播）
两军积怨由来已久，从1974年世盃，当时嘅西德于决赛爆冷以2比1击败不可一世嘅荷兰捧盃开始，去到1988年欧国盃轮到荷兰封王，当时佢的喺4强以2比1反胜西德，赛后中坚朗奴高文拎住岩岩交换到手嘅西德球衣擦屁股，羞辱对手，赢波输品。依家朗奴高文出任荷兰主帅，今场迎战死对头德国，势必令火药味更重。查实朗奴高文都要重建「橙衣军团」，佢的喺欧国联首轮虽以1比2不敌法国，但以迪比、赖恩巴布为首嘅锋线表现唔曳，并有新星、古华特囝囝祖斯甸古华特候命，中前场火力不容小觑。

近10仗国际赛9场失波
另一边厢，德国经历今夏世盃分组赛出局嘅羞家表现后，意外获得留低嘅勒夫，为保乌纱亦要变通，呢位以前锺意玩无锋阵嘅教头，今次召入史浩克04前锋乌夫，而迪姆华拿近排喺RB莱比锡亦回勇，佢希望用入波巩固自己正选地位。不过德国有夏维斯、马高列奥斯及鲁迪格因伤临时退队，阵容不整，近10仗国际赛只得1场保持冇失波，防线唔多稳阵。加上两军都想赢波攞彩，随时大驳火，近4次交手又有3次开3球或以上，斗攻格局一于捧大盘。