王牌射手受伤冇攻开

女子世盃B组次轮赛事，东道主澳洲女足迎战尼日利亚女足。「女袋鼠」首仗虽然赢波，但表现全无劲旅本色，球员喺主场出战背负沉重压力，表现拘谨，最终只系靠一个12码小胜爱尔兰女足。今仗面对韧力十足嘅尼日利亚女足，预料又系苦战，捧2.5球入球细最好。

（Now 630周四晚上6时直播）

澳洲女足王牌前锋森卡尔喺首仗赛前练习受伤，呢位队史神射手今仗会继续缺阵，对澳洲女足进攻能力影响极大，喺英超效力嘅双箭头卡特琳芙特同玛莉科娜仍未够能力担大旗，澳洲女足数胡能力令人怀疑，事实上，佢哋从来都唔系以进攻能力见称，近4仗总入球全开2球或以下，冇埋森卡尔想入波都难。

尼日利亚死守顶得住

尼日利亚女足决赛周前虽然唔被睇好，但系首仗就有惊喜，屯重兵死守下0比0闷和加拿大女足，可见球队防守够韧力，就算迪波拉艾碧奥登停赛，但亦有艾积芭迪同艾燕迪波监期满复出，实力有增无减，面对缺少主力前锋嘅澳洲女足，开2.5球入球细机会高。