今日中午女子世盃有E组次轮赛事，由葡萄牙女足硬撼越南女足。两队首轮都系落笔打三更，葡萄牙女足最大问题系把握力弱，越南女足有自知之明一定玩死守，呢场比赛唔慌多波入，3.5球嘅入球细乃不二之选。

（Now 630周四下午3时30分直播）

葡萄牙女足今次先系首度出战女子世盃决赛周，经验尚浅，喺E组首轮对住荷兰女足即输0比1，虽然佢哋早早失波，大把时间追，但质素所限埋门亦差，而且控球率、射门等数据都输晒，输波亦好正常，佢哋各项赛事近4仗仅入3粒，全开2球或以下，可见入球能力认真麻麻。

文章摘自华体网越南门将状态劲弗

另边厢，越南女足同样系首次跻身决赛周，於E组首轮面对衞冕嘅美国女足未有惧色，负隅顽抗，尽管最终净吞3蛋，但身高只有165cm嘅门将陈氏金清，对住一众高大嘅「美女」仍屡救险球，包括扑出射手阿历丝摩根嘅12码，先至冇再失几球，斗志相当顽强。不过越南女足冇乜大赛经验，预计今仗都系靠死守迎敌，葡萄牙女足临门一脚咁差，3.5球嘅入球细不容错过。