欢迎来到足球图库!
当前位置:主页 > 太阳报 >
日本反擊戰勢炒越南
时间:2021-11-18 11:37   来源:足球图库
今晚世盃外亞洲區第3圈B組賽事,越南主場硬撼日本。「藍武士」幾經辛苦,終於重新掌握出線主動權,今遇防守堅曳嘅包尾大幡越南,必定乘勝追擊,讓兩球照捧讓球客勝。(周四晚8時開賽)

日本於第3圈出閘脫腳,頭3輪只得1勝2負,其中首輪輸畀阿曼最肉酸,好彩上輪生死戰靠一個烏龍波,以2比1擊敗澳洲。依家日本喺B組雖然只排第4位,但與「3哥」阿曼同分,只落後次席澳洲3分,重燃爭前兩名直接出線席位嘅希望,加上今輪澳洲與榜首沙特阿拉伯正面交鋒,至少有1隊失分,畀到「藍武士」從後趕上嘅好機會。

日本主帥森保一唔太識得變通而為人詬病,今次除咗南野拓實、大迫勇也、遠藤航等常規軍外,亦徵召前田大然及外流比甲表現唔錯嘅三笘薰,睇嚟有求變之心。計晒上圈賽事,日本於今屆世盃外已累積49個士哥,只要入多3粒,就能打破佢哋自己喺1998年世盃外最多入波紀錄,一定搶韁。

實力有距「-2」照捧
儘管越南近年足球水平不斷提升,但拍埋一眾亞洲列強,明顯仍有一定距離。佢哋喺第3圈4戰全敗,合共失咗10粒,包括上輪領先之下,倒輸畀阿曼1比3,踢法比較重攻輕守,反而暴露咗防守不穩嘅問題。日本喺第3圈只入3球,同大部分對手都玩死守有關,難得撞正唔識守嘅越南,有力大勝而回,就算讓兩球都冇有怕,直取讓球客勝。
上一篇:明尼路 VS 哥連泰斯     下一篇:[太阳拆局] 法盃攻略:里尔回勇报斯仇