攻力強盛入球保證
日聯盃8強重頭戲，人氣球隊神戶勝利船火併聯賽一哥川崎前鋒，勝利船上周末聯賽剛與橫濱水手激戰打成3比3，川崎近5場作客4次開4球或以上，包括2場日聯盃賽事，可見兩隊同樣踢法性感，中位數3.5球入球大咪錯過。（周三晚6時開賽）

勝利船因為參加亞冠盃賽事，日聯盃毋須參加分組賽，直入8強，不過佢哋踢聯賽表現頗為反覆，聯賽14戰以4勝6和4負排第10位，表現只屬一般，兩位歐洲名將恩尼斯達及華美倫近幾仗均告缺陣，只能靠一班日本球員及巴西前鋒戴恩費斯杜格拉斯支撐大局。

川崎狀態弗到漏
雖然成績飄忽，不過勝利船近期旺開入球大；踏入8月共踢7場賽事，全部開3球或以上，其中有5場總入球更達到4球或以上，入15球失15球，可見其踢法有前冇後，經常演變為入球騷，相當富娛樂性。

川崎前鋒今季狀態大勇，聯賽一度取得10連勝，早前連勝斷纜後，上周末聯賽又發威，主場以5比0大炒清水心跳，在日聯盃A組則以2勝1和得7分，與同分的名古屋鯨魚雙雙晉級，不過前鋒3場分組賽全部開4球或以上，非常有霸氣。

前鋒攻力強勁，踢法多變，幾乎每次亮相都出現大量入球，今場再配合勝利船的開放踢法，雙方交鋒更是入球保證，早前雙方聯賽交手踢成2比2平手，今仗在淘汰賽狹路相逢，肯定更精彩，一於捧入球大。