尾4嘅阿士東維拉今晚將會作客韋斯咸，維拉今季長時間喺榜下游掙扎，上場藉馬莫特查斯古特一箭定江山，主場1比0小勝阿仙奴，暫以較佳得失球差壓過同分嘅屈福特，升上聯賽榜第17位，暫時逃離降班區域。雖然為護級今場都要搏盡攞晒3分，但維拉為免大意失守，肯定先求穩守，實行睇準機會先出擊。

韋斯咸喺莫耶斯主理下嘅下半季賽事，17戰其實只得4勝，不過佢哋識得「揀波踢」，最重要之前贏波，大部分被擊敗都係護級競爭對手，包括般尼茅夫、諾域治及屈福特等，因此「錘仔幫」得以提早上岸，睇得出莫耶斯應付同級球隊有一手。睇番往績，兩軍過往7次聯賽交手全開2球或以下，中位數2.5球細盤值得再追。（Now 633周日晚11時直播）