今日下午澳職珀斯光輝對威靈頓鳳凰。由於疫情關係，今仗將移師西悉尼流浪者主場角逐。珀斯光輝剋住威靈頓鳳凰，近4次對賽全勝，其中射手科拿路利（下圖）對上2次上陣均有斬獲，主勝可放心捧。（myTV Gold 302、Now 639、有線655、615台周三下午5時30分直播）

珀斯光輝上場鬥中岸水手，雖然掛名叫主場，實際係用水手主場作賽，但光輝仍能夠克服不利，憑後衞丹尼恩咸一箭定江山，以1比0擊敗水手，證明光輝狀態不俗。對手威靈頓鳳凰一向靠主場優勢搶分，今季主場成績11戰8勝，相反作客10戰只得3勝2和5負，如復賽首戰作客ＦＣ悉尼，就喺領先1球優勢下反輸1比3。

今場中立場比賽，鳳凰非但地利盡失，對賽成績亦處於下風，近4次交手全敗，而且光輝嘅烏拉圭前鋒科拿路利，近2次交手都有士哥，隊友歷克迪亞高斯天奴去年對鳳凰亦梅開二度，2人拍住上，光輝不乏入波機會，主勝為最佳選擇。