為爭標豁出去
西甲進入最後3輪賽事，聯賽榜2哥巴塞隆拿今晚作客鬥華拉度列；唔計周六凌晨賽果，巴塞仍比榜首皇馬少1分，為爭標已不能再失，巴塞復賽後4場作客聯賽未輸過，對住冇搶分包袱、可以大踢風流波嘅華拉度列，中位數2.5球大盤好路。

（Now 632及611周日凌晨1時30分直播）

巴塞上場主場1比0擊敗愛斯賓奴，除咗送對手落西乙，自己亦追到落後皇馬1分，不過皇馬會喺周六凌晨鬥艾拉維斯，如果贏波雙方差距又會拉開至4分，剩低3輪聯賽，巴塞基本上已冇失分空間。巴塞復賽後4場作客聯賽未輸過，可惜先後喺切爾達及西維爾身上失分，好彩佢哋前線交到貨，除0比0打和西維爾之外，其餘3仗合共轟入10球，當中基沙文對維拉利爾更踢出被外界形容為加盟巴塞以來表現最好嘅一仗，入球能力絕對唔需要擔心。

華拉度列上岸踢得更放
華拉度列上場作客華倫西亞輸1比2，復賽後8場賽事錄得2勝4和2負，現以35戰得39分，排西甲聯賽榜第14位，護級壓力未算太大，今場冇心理包袱可放手一拚。睇番兩軍首循環交鋒，巴塞主場大勝5比1，合力炮製6個士哥，加上巴塞近4場聯賽作客3次開3球或以上，今場有望再演入球騷，2.5球大值得支持。