車仔開行Turbo保前4，遇水晶宮誓搶3分！車路士周三凌晨「倫敦打吡」作客水晶宮，目前歐聯入場劵競爭相當激烈，車路士同李斯特城、曼聯及狼隊肯定要鬥到最後，1分都不能少，水晶宮3連敗等收工，而且近4次對車仔輸晒，撐車路士上盤。

（Now 621周三凌晨1時直播）

水晶宮等放假任人砌
自聯賽重開後，車路士唔少傷兵復出兼有好表現，美國翼鋒基斯甸普列錫同英格蘭中場羅夫度斯卓克齊齊上力，令領隊林柏特有更充裕兵源調動，要知道喺密集賽程下，板櫈深度非常重要，「林伯」有更大輪換優勢，勝算相對亦較高。車路士上場3比0大炒屈福特，球隊上下為入前4鬥心極高，何況車仔過去4次面對水晶宮都能順利贏波，有格食格味道，即使今場作客，球員心理亦佔優勢。

水晶宮早已擺脫降班威脅，爭奪歐洲賽資格機會亦不大，球員完全係等放假Mode，球隊接連不敵利物浦、般尼同李斯特城，3場1粒都入唔到，有如派糖一樣，加上再有傳王牌球星韋費特沙夏要求今夏離隊，進一步打擊球隊軍心，踢緊「風流波」嘅水晶宮，迎戰決心十足嘅車路士都好難爆冷，車仔作客讓一球，照捧上盤。