今晚英超獨腳戲，熱刺主場迎戰愛華頓，兩大名帥摩連奴同安察洛堤高手過招。「寸王」同「肥安」過往碰頭棋逢敵手，勝負每每取決於一招半式，加上愛華頓近7場作客6次半場同對手打和，半場和值捧。■（Now 621及611周二凌晨3時直播）

兩位名帥均曾先後執教過車路士及皇家馬德里，經常喺歐超盃、意甲及歐聯對壘，戰績係摩連奴贏3次，安帥贏2次，不過對上一次交手已經係2010年歐聯16強次回合，「寸王」帶領嘅國米作客1比0小勝安帥領軍嘅車仔。

愛華頓復賽後大勇
時移世易，兩人今晚喺英超再度碰頭，不過大家都係季中接手，點都要花啲時間摸清對方套路。「拖肥」聯賽重開後3戰2勝1和，包括打吡戰賽和利物浦，及以2比1擊敗李斯特城；熱刺近況略嫌反覆，遇上大勇嘅愛華頓會先避其鋒，主場亦唔會貿然搶攻，加上愛華頓近7場作客6次開出半和，不妨再追。