意甲排前兩位球隊分途出擊，榜首祖雲達斯將會作客熱拿亞，祖記上場以4比0大勝萊切，球星C朗射入1球及貢獻2次助攻，證明佢已經重拾勇態，加上保羅戴巴拿亦連續兩場入波，祖記攻力不斷上升。熱拿亞防線脆弱，難以抵擋對手強攻，預料祖雲達斯可以大勝，直取讓球客勝。（Now 638、有線654、614台及myTV Super 301周三凌晨3時45分直播）

祖雲達斯經過連續2場意大利盃悶和後，轉戰聯賽表現愈來愈上力，繼以2比0擊敗博洛尼亞後，上場再贈萊切4蛋，C朗同保羅戴巴拿都連續2場取得入球，另1位射手希古恩亦已擺脫傷患，上場後備上陣都有波入，證明祖記全體球員已經操起狀態，可以全力衝冠，今場作客都會採取主攻。

熱拿亞受到降班威脅，球隊被逼豁出去搶分，但礙於實力有限，往往前面入埋唔夠後面輸，復賽後兩場合共失咗6球，包括主場1比4大敗於帕爾馬腳下，上場對魚腩球隊布雷西亞都要失2球，試問又點抵擋得住球星如雲嘅祖雲達斯，熱拿亞今場隨時又大敗。

拖連奴拉素入球騷
另一場意甲，「2哥」拉素作客拖連奴，拉素喺意甲重開後首場不敵阿特蘭大，被榜首祖雲達斯拉開至4分距離，餘下聯賽不容再失，作客亦要搶攻。翻查紀錄，拉素近7次聯賽對拖連奴，有5次總入球開3球或以上，再加上拉素近10場聯賽作客有8場總入球達3球或以上，首選中位數2.5球嘅入球大。（Now 638、有線654、614、662、602台及myTV Super 301周三凌晨1時30分直播）