皇家馬德里趁住巴塞失分，周一凌晨作客皇家蘇斯達，必定搶攻搶Ｗ重奪榜首，不過皇蘇同樣要極力捍衞歐聯席位，唔會任你魚肉，以往兩軍相遇經常出現對攻場面，今次料亦唔會例外，入球大有計。

■（Now 632及611周一凌晨4時直播）

相比起上季巴塞早早鎖定冠軍寶座，今季皇馬同巴塞嘅冠軍爭奪異常激烈，趁住巴塞失分，皇馬更加有大好機後上。「銀河艦隊」復賽後展現不俗進攻狀態，比利時球星夏薩特回勇，呢位皇馬7號球衣新主人於2月比賽中重傷，被外界以為今季已經收咧，但突如其來嘅停擺令佢有充裕時間養傷，聯賽重開後首戰即交出助攻，助皇馬以3比1勇破伊巴。除此之外，養傷近1年嘅馬高阿辛斯奧亦翻生兼且入波，再配合頭號射手賓施馬，「銀河艦隊」鋒力全面復甦。

近6對賽入球停不了
皇家蘇斯達擅長控球在腳嘅踢法，近年遇上皇馬踢得相當進取，近6次交手5次開4球或以上，包括於西盃8強以4比3淘汰皇馬。今仗有馬田奧迪加特倒戈相向，皇蘇隨時大軍壓上同「銀河艦隊」鬥攻，中位數2.5入球大當然好路，求好分頭嘅朋友，甚至可以向3.5球嘅大埋手。