各地聯賽現階段重開都係閉門作賽，唔少球隊都諗辦法加強主場氣勢，最普遍莫過於好似德甲慕遜加柏咁，放人型紙牌扮觀眾，最出位就肯定係韓職FC首爾起用「吹氣Mary」，不過最終搞到畀聯賽會罰款1億韓圜（約63萬港元）。葡超班霸賓菲加亦有新諗頭，呢支上季盟主近日喺官方網站號召球迷捐出自己擁有嘅球會頸巾，等球會收集後，就會喺比賽期間放喺觀眾席上，營造紅海氣勢（圖），聽落效果似乎麻麻地，唔知係咪可以嚇到作客球隊呢？