周六凌晨葡超賽事，中游分子辛達卡拉於中立場出戰Big 4之一嘅布拉加。辛達卡拉實力一般，今季對葡超Big 4全數落敗，包括4鬥波圖悉數輸波，明顯遇強即屈，布拉加表現頑強，今場客勝手到拿來。

（周六凌晨2時開賽，馬會網上文字直播）

辛達卡拉遇強即屈
辛達卡拉位居聯賽中游，並非爭標材料，但係同降班區亦保持一段距離，唔上唔落，搶分動力自不然唔及對手。尤其辛達卡拉開季至今7戰葡超Big 4悉數敗陣，最大比數係主場淨吞士砵亭4蛋，聯賽2循環加2項盃賽對波圖，亦連輸4場兼全部吞蛋，再睇埋聯賽首循環作客布拉加，亦以0比2敗北，可見該隊遇上強隊毫無還擊之力。

葡超原本只有「3巨頭」，但布拉加近年冒起形成Big 4。布拉加現居葡超第3，但與波圖、賓菲加有一定積分差距，爭標機會渺茫，不過球隊仍需搶分鞏固歐霸盃參賽資格，球員戰意及爭勝心均比辛達卡拉強。再睇布拉加停擺前表現，喺本土賽13場賽事錄得12勝1和超強走勢，今仗客勝冇走雞。