排葡超尾2嘅樸迪莫倫斯，將於主場迎戰中游分子基維辛迪。樸迪莫倫斯雖然實力較弱，喺聯賽輸多贏少，但都有自知之明，主場比賽唔會亂咁攻，以守行先，今次聯賽重開遇上有一定實力嘅基維辛迪，料會全力防守，吼實中位數2.5球入球細。

（周四凌晨2時開賽，馬會網上文字直播）

基維辛迪踢風流波
樸迪莫倫斯戰績低落，今季僅得2勝，但有10場開出和波，當中6場喺主場取得，而且全部開2球或以下。喺葡超停擺前，佢哋連續5次聯賽主場開出入球細，當中2場比數為0比0，包括主場悶和實力唔算高嘅塞圖巴爾，可見樸迪莫倫斯踢法保守，往往以1分為目標，即使輸波都好少大敗。

基維辛迪現居聯賽第9位，既無爭標機會，又不愁降班，對呢類中游球隊嚟講，首要任務係順利完成賽事，估計球員都會踢得較為錫身，贏波與否就要睇臨場戰意。聯賽停擺多時，球員狀態變成點實在難以估計，加上基維辛迪今仗作客，相信踢法會更加保守，避重就輕，遇上一心防守嘅樸迪莫倫斯，預計悶戰一場，入球細值博。