近況低迷防守曳
德乙中游對決，格雷特霍夫主場鬥辛特侯遜。格雷特霍夫近況低迷防守唔掂，反觀辛特侯遜2連勝重新上力，為咗早啲上岸搶得1分得1分，鬥心超強，受讓必捧讓球客勝。

（on.cc東網周六凌晨零時30分直播）

格雷特霍夫現時28戰得38分，依家同聯賽榜尾3嘅卡爾斯魯厄只係得8分差距，形勢上不容掉以輕心。

辛特侯遜復賽兩連勝
不過格雷特霍夫似乎力不從心，聯賽重開後走勢未見改善，上輪以1比1逼和達斯泰特之後，佢哋近8場聯賽只得1勝4和3負，包括復賽後3場未贏過，當中只有1場保持清白之身，後防欠穩成為致命傷。人腳方面，格雷特霍夫頭號射手夏華尼爾遜早前腦震盪傷出後已經缺陣兩仗，今仗亦上陣成疑，令整體戰鬥力打折扣。

辛特侯遜德乙停擺前狀態低迷，然而復賽後表現漸入佳境，繼作客1比0小勝韋恩之後，上仗主場再以3比1擊敗漢諾威，取得2連勝大踢爭氣波，佢哋今場仲有防守中場泰法特蘇化停賽刑滿復出，進一步加強中場掃蕩能力，有望乘勇再成功搶分，讓球客勝不容錯過。