德甲明晚正式重開，連續3日共9場比賽全部有直播，最啱大家一邊睇波一邊玩「即場投注」，今日就同大家講吓點樣可以玩得最精明。先講包尾球隊柏達邦，呢支升班球隊目前以25戰得16分排包尾，距離真正護級安全線、尾4嘅緬恩斯10分，護級成功機會非常渺茫，嚟緊隨時成為列強搶分對象。柏達邦聽晚將會作客鬥杜塞爾多夫，柏達邦今季唔識踢逆境波，25場聯賽入面有13次半場落後，最終全部輸晒，相反杜塞爾多夫今季聯賽5次贏波有4次都能領先上半場，由頭贏到尾，如果呢場波去到上半場中段仲未開紀錄，大家不妨留意杜塞爾多夫嘅下一隊入球。