欧联今、明两晚上演4场16强次回合，今晚两仗出线形势较明朗，先讲ＲＢ莱比锡主场斗热刺，ＲＢ莱比锡上场联赛作客禾夫斯堡，大部分时间收起首席射手迪姆华拿，证明佢哋已将目标放喺欧联，杀入8强决心唔使怀疑。热刺缺少哈利卡尼及孙兴民火力骤减，作客要收复失地唔易，有主场之利兼领先1球嘅莱比锡，进身8强机会相当高。

明晚两场势均力敌够刺激
至于阿特兰大晋级机会唔可以用「相当高」，要用「极之高」3个字嚟形容，其实佢哋今季喺意甲表现已经唔係善男信女，首回合4比1大胜实力唔算顶班嘅华伦西亚，够晒说服力。不过由于优势太明显，无论今场赢、和、甚至输2球都可以出线，对投注者嚟讲係大忌，所以建议大家今场忍吓手，将焦点放喺明晚两场比赛仲好。听晚利物浦对马德里体育会、巴黎圣日耳门对多蒙特都係势均力敌之战，边队晋级仲係未知数，如果係呢4支球队嘅球迷，不妨押注落喺爱队身上，然后睇住球队赢波晋级兼有钱赢，咁就最开心喇！