由于英超仍处于歇冬期，本周只得6场联赛，可谓贵精不贵多。其中2支要出战欧联嘅球队利物浦与热刺，在周六及周日分途出击，只係作客面对护级分子诺域治及阿士东维拉，相当好打。

先讲利物浦，佢哋一队球员在歇冬期间，得到充分休息，原本有伤嘅沙迪奥文尼已经康复，右闸阿历山大阿诺特更去美国睇NBA，可见众将都藉假期让身心放鬆一下，对嚟紧赛事有正面帮助，包尾大幡诺域治就算有地利，亦只係以卵击石。

热刺要为欧联造势
至于热刺方面，中途接手嘅主帅摩连奴，亦要证明自己好过前任普捷天奴，以及需要向球迷同高层交代，争前4嘅下届欧联入场券係最低要求，今仗造访实力麻麻嘅阿士东维拉，相信可以赢波全取3分，为下周中出战欧联对RB莱比锡造势，若果唔嫌赔率偏热，不妨整条利物浦、热刺嘅客胜过关2串1，胜在稳阵。