近10主场赛事全胜
英格兰足总盃16强今晚上演独脚戏，大勇嘅英甲3哥朴茨茅夫主场挑战英超阿仙奴。「兵工厂」实力同往绩都佔优，但啱啱喺欧霸盃苦战120分钟饮恨出局，对阵中年轻球员嘅士气打击甚大，加上今仗好大可能会派出大量二线兵应战，啃唔落主场强势嘅朴茅，阿仙奴作客让到1/1.5球太多，宁捧下盘。

（周二凌晨3时45分开赛）

兵工厂二线兵让唔起
阿仙奴近况本来唔错，上周中欧霸32强次回合之前，近10场正式赛事录得6胜4和不败佳绩，欧霸首回合作客领先奥林比亚高斯1比0，形势大好，可惜上周五凌晨喺主场一铺输清，法定时间输0比1搞到要加时，最终仲要因为作客入球数唔及对手意外出局，力疲心伤之馀仲士气受挫。激战过后，今仗相信会沿用之前英足盃倚重嘅二线兵，战斗力下滑，再睇番佢近8场作客嘅正式赛事只係赢过2场，赢波把握甚低。

朴茨茅夫以英甲仔身分出师牌面係低两班，但折合番阿仙奴用弱阵，双方差距已缩窄，更何况佢哋近10场主场正式赛事全胜，除咗争紧升英冠之馀，喺盃赛亦冇偷懒，今仗两大射手箭头约翰马基斯同爱尔兰国脚路兰居迪斯拍档攻坚，足以考验阿仙奴条唔多稳阵嘅防线，主场受让咁多值得一博。