同大家研究一下目前英超积分榜嘅形势先，今季英超前列几队都争持得非常激烈，头几位位置每周都有变动，而英超首循环嘅赛事仲有两场就完结，睇番排第1嘅车路士暂时比第2位嘅利物浦有成6分差距，优势开始渐渐扩大，而利物浦首循环最后一场比赛会喺主场对住曼城，如果两队打和同时失分的话，车路士就当然係最开心嗰队啦！
紧随其后嘅阿仙奴、热刺同曼联亦都可以趁机缩窄番个距离，而近况比较飘忽嘅曼城，虽然有阿古路同费兰甸奴两位主力停赛，幸好对球队影响唔算好大，近两场主场都能够顺利赢波，守住个第3。阿仙奴就啱啱对上两场联赛作客都输波，依家要跌到去第4位，热刺今季表现其实好好，尤其係防守方面更加特别出色，暂时17场只失12球，失球数字仅次于车路士，只可惜攻力一般，所以和波失分较多排第5。
曼联虽然近期表现回稳，各项赛事加埋已经近10场保持不败，不过由于之前失分太多，依家同榜首车路士有成13分距离，争标形势并唔乐观，睇嚟将目标放喺其他杯赛会比较实际喇！
