车仔士哥拿 迪亚高哥斯达
next 1/1 pre车仔翼锋 夏萨特
next 1/1 pre车仔防中 尼高路简迪
next 1/1 pre曼城王牌 阿古路
next 1/1 pre今晚英超头场榜首战，曼城主场迎战车路士，乐比继续撑车仔。车路士「343」全胜神话已延续至7场，係球队联赛自2010年以来最佳走势，加上冇乜伤兵兼一周一赛，顺成咁真係好难同佢哋作对，曼城今季防守漏洞甚多，让唔起大勇嘅「黄金战车」，乐比捧1.77倍「让球客胜」。
（Now 621及LeSports HK应用程式周六晚8时30分直播）
车路士「343」阵式可谓愈用愈成熟，其中最抢眼嘅係重生嘅域陀摩西斯，呢位刚获球迷选为11月英超最佳球员嘅右翼衞，勤力走动兼有突破能力，活动範围覆盖晒成条右路，令对手防不胜防，当然夏萨特同迪亚高哥斯达包办17球嘅高效表现，亦係车仔7连胜嘅主因。
乐比唔多花篇幅介绍车仔进攻有几厉害，反而想讲今场胜负係在于两队防守上嘅差异。车路士成个防守系统係以人多密集取胜，弥补咗一对中坚加利卡希尔及大衞雷斯速度较慢嘅弱点，一双防中尼曼查马迪及尼高路简迪，一个强壮一个灵巧，有微妙嘅化学作用，难怪近7场联赛车仔只失咗1球。
反观曼城防线真係漏洞甚多，近14场赛事有13场係有失波，对住攻击力甚弱嘅般尼、米杜士堡都未能保持清白之身，搞咗几个月，哥迪奥拿仍未能搵到防守最佳阵容，今场唔排除再变阵，搵费兰甸奴堕后稳住后路。
不过，曼城变来变去未必係好事，睇番车路士近期表现稳定嘅塬因係阵容冇变过，过去6场都係沿用同一正选名单，係英超变动最少球队，咁啱曼城就係英超阵容变动最多球队，当然曼城要分心应付欧联，必定需要轮换，相比起养尊处优嘅车仔，默契係差啲！
