西悉尼流浪者射手辛达利比伤愈后迅速重拾佳态。（Getty Images图片）
next 1/1 pre今季澳职有个怪现象，上季一齐杀入总决赛嗰两队都时运低：盟主阿德莱德联依家沉沦榜尾，亚军西悉尼流浪者亦只係赢过1场咁大把，齐齐排喺下游。好彩西悉尼流浪者实力雄厚，近期表现已大有起色，呢个全靠王牌箭头辛达利比复出之后延续超顺脚风。佢哋今日作客中岸水手，有望重响胜鼓，受让半一，下盘值得捧场。
（有线64及203台周六下午2时35分直播）
「西流」好歹都係上届亚军吖，点知今季就做咗「和波专家」，近6场联赛1负5和未赢过，失吓失吓已经冇咗13分！不过，若果有跟开呢队波嘅球迷，都会同意佢哋明显係一场比一场进步。上轮主场逼和布里斯班狮吼嗰场，虽然「西流」係先落后嘅一方，但全场其实佔尽优势，赢唔出只係同运气有关。只要唔好灰心，畀啲耐性逐步逐步争取进步，一定有反底赢波嘅日子。
更何况「西流」嘅主力前锋辛达利比状态唔错，上场佢克服小腿伤患复出即刻有入球，而佢今季喺联赛上阵7场，已经有4球在手，其中3球更加係喺作客情况之下射入嘅。今晚辛达利比又有发挥机会喇，事关中岸水手防守力麻麻，净睇佢哋今季8场联赛只得1场可以力保不失就明啦！咁呢位射手仲唔有机可乘咩！
主队中岸水手今季成绩算係大跃进，依家高「西流」一级，排喺联赛榜第6位。之但係表现飘忽，3场主场比赛居然输咗两场！好嘞，以为上场赢珀斯光辉叫做有番啲起色啦，其实睇真啲，好大程度受惠于对手喺比赛期间有主将伤出，先至畀佢全取3分。今日面对状态冒升兼实力更高的西悉尼流浪者，好大机会又会畀人打回塬形，所以都係拣下盘明智啲嘞！
