尼高拉斯马天尼斯(Getty Image图片)
next 1/1 pre楠神顺平(Getty Image图片)
next 1/1 pre澳职西悉尼流浪者同墨尔本城虽然唔係排喺榜首，但係佢哋啲比赛通常都係好睇嘅。呢两队今日晏昼就会喺悉尼正面对撼，照目前排位，墨尔本城无疑係秤高啲，不过佢哋条防线向来唔多稳阵，尤其两闸经常失位，畀对手打爆。而咁啱主队西悉尼流浪者就有澳职最强双翼尼高拉斯马天尼斯同楠神顺平坐镇，随时剋住「墨城」啦！「西流」主场受让值得支持！
（有线64及203台周五下午4时50分直播）
「西流」由普波域带领以来，一向畀人稳稳阵阵嘅感觉。可惜开季到依家赢得1场，或者你会唔同意以上讲法。实情係佢哋上场输畀墨尔本胜利之前，已经连续4场不败。「西流」嘅进攻都有板有眼(口架)，尤其阿根廷嘅尼高拉斯马天尼斯同日本楠神顺平组成嘅双翼，扭得之余亦有创造力，经常杀入中路製造极大威胁，而呢对飞翼就正好剋住墨尔本城最弱嘅两闸喇！
墨尔本城今季做咗澳职风头趸，虽然排行第二，但其实近4场联赛只係赢2场输2场，表现唔算太稳定，更遑论展现冠军球队嘅霸气。何况今场可能会少咗今季表现突出嘅鲁克巴坦上阵，因为呢位中场啱啱先为澳洲踢完世界杯外围赛，真係唔知赶唔赶得切归位。讲番墨城对西流往绩，最近6次係2胜1和3负，明显畀西流食住，今场仲要作客，似乎让唔起对手啰！
