联赛榜5哥阿仙奴会喺尾场迎战尾4嘅白礼顿。阿仙奴联赛3连败，依家落后第4位嘅车路士2分，争入前4形势被动，不过佢哋转战欧霸表现却脱胎换骨，上周中喺首回合主场大胜华伦西亚3比1，嚟紧周中次回合作客只要唔好输多过1球就可进身决赛，透过赢得欧霸冠军取得来届欧联入场券似乎更有主动权。阿仙奴主帅艾美利近期喺联赛多起用拿卡锡迪打单打箭头，攻击力减半，加上对上3场联赛皆单场失3球，今场会加强防务望保清白之身。
白礼顿唔大败都掂
由于尾3嘅卡迪夫城喺周日凌晨主场斗水晶宫，如果卡迪夫城输波便会宣布降班，就算和波，白礼顿保持3分差距兼超过10个得失球差优势，今场斗阿仙奴同最后一场斗曼城，只要攞多1分、甚至唔好大败亦好大机会护级成功。白礼顿近7场联赛仅入1球，锋力疲弱係不争事实，不过佢哋今季联赛作客其馀5支Big6球队有3次输1粒，对住火力强劲嘅曼城都係输0比2，一心死守未必冇得打，中位数2.5球细盘捧得过。
（Now 621周日晚11时30分直播）