世歐洲:英格蘭球星留力歎細界
时间：2021-11-18 09:02 来源：足球图库
今晚世盃外I組英格蘭作客聖馬力諾。英格蘭數字上未出線，但今仗對手只係9戰全敗嘅聖馬力諾，贏波毫無難度。不過嚟緊英超激戰連場，預料班球星贏夠收工，唔會盡數，兩隊近5次交手4次開6球或以下，6.5球入球細盤諗得過。
（有線661及601台周二凌晨3時45分直播）
修夫基料派副選落場
英格蘭現時多波蘭3分，今場只要攞1分都夠出線，遇上小組9戰全敗共失36球嘅聖馬力諾，球員心態上唔慌會緊張。賽前消息話基亞利殊及佐敦軒達臣已經返球會報到，今仗唔會上陣，而水晶宮中場干拿加歷查臨時獲徵召，相信領隊修夫基會作出大幅度輪換，布卡約沙卡及祖迪比寧咸等副選有望正選披甲，門將則由蘭斯達爾把關。
英格蘭上次用呢班球員，係上月作客安道爾，結果贏5比0，今仗大約都係呢個比數，各球星為應付聯賽唔會去盡，中位數6.5球嘅細盤值得追捧。
